This store requires javascript to be enabled for some features to work correctly.

FAQ

Hér finnur þú algengar spurningar. Ef þú finnur ekki svarið sem þú leitar að, hafðu þá samband og við hjálpum þér!

Vörur

Til að byrja með erum við einungis að þjónusta ungabörn. Stærðir eru því yfirleitt frá 0-3 ára. Einn daginn munum við vonandi bæta við fötum fyrir eldri.

Vörurnar okkar koma annars vegar frá Suður Kóreu og hins vegar Danmörku. Við vinnum með nokkrum frábærum fyrirtækjum þar í Kóreu sem framleiða okkar uppáhalds vörumerki. Suður Kórea hefur lengi verið þekkt fyrir gæðamiklar vörur þegar kemur að barnafötum. Ekki síður hönnun og útlit. Við hreinlega urðum ástfangin af þessum fallegu vörumerkjum og sáum tækifæri í því að koma með þau til Íslands. Þannig varð Mó Mama til. Þegar leið á fengum við víðfræga vörumerkið Liewood til okkar en það er heldur betur stór viðurkenning. Liewood er eitt fremsta barnavörumerki Skandinavíu og þó víðar væri leitað.

Já, það getur þú verið viss um. Vörurnar okkar frá S-Kóreu eru allar með háa gæðastaðla (LSA og KC staðlar). Vörumerkin og vörurnar eru sérvaldar af okkur og það skiptir okkur miklu máli að bjóða upp á vandaðar og endingargóðar vörur.

Nei, við erum að vinna með nokkrum mismunandi vörumerkjum.

Pantanir

Þú færð sendan staðfestingarpóst þegar við höfum afgreitt pöntunina þína. Í staðfestingarpóstinum þínum finnur þú upplýsingar um stöðuna á pöntuninni þinni.

Já, svo lengi sem sendingin þín er ekki farin af stað. Sendu okkur tölvupóst strax á momama@momama.is - passaðu að taka fram pöntunarnúmerið þitt.

Ef það eru liðnir 3-4 dagar þá getur þú haft samband við okkur á Facebook, Instagram eða með maili á momama@momama.is og við hjálpum þér að finna sendinguna þína.

Hafðu samband við okkur, annaðhvort í gegnum Instagram/Facebook eða á momama@momama.is

Við veitum 14 daga skilafrest frá því að varan er keypt. Ekki er hægt að skila vöru sem keypt er á útsölu eða lagersölu.

Flutningsupplýsingar

Já við sendum um allt land og meira að segja erlendis ef þess er óskað. Það þarf samt að hafa samband sérstaklega fyrir erlendar sendingar.

Það er frír sendingarkostnaður um allt land á sendingum yfir 15.000 kr. Einnig er alltaf frítt að sækja! Við mælum að sjálfsögðu með því að nýta það. Annars er sendingakostnaðurinn er mismunandi eftir þyngd pakkans. Vanalega er hann frá 900 til 1490 kr.

Það tekur okkur vanalega einn virkan dag að útbúa pöntunina þína. Eftir það fer hún á pósthúsið sem gefur sér yfirleitt 1-2 daga í afgreiðslu. Það má því áætla að vörurnar séu afhentar 3-4 dögum eftir pöntun. Það getur komið fyrir að sendingin tekur lengri tíma, sérstaklega ef um stórar útsöluhelgar er að ræða.

Greiðslur

Við tökum við bæði Visa og MasterCard kortum, bæði kredit og debet. Við bjóðum einnig upp á greiðslumöguleika í gegnum Aur og Netgíró. Svo er auðvitað hægt að millifæra.

Við endurgreiðum þér ef varan er gölluð og í upprunarlegu ástandi frá afhendingu og að henni sé skilað innan 14 daga frá kaupum. Ef verið er að skila vöru bjóðum við uppá inneignarnótu eða skiptum í aðra vöru. Ekki er hægt að fá endurgreitt fyrir vörur á útsölu.